முறுக்கு மீசைக்காரா

முறுக்கு மீசைக்காரா
மூங்கிலில் காற்றாய் மனம் வீசுதடா
அந்திசாயும் நேரம்
அடிமனதில் காதல் தீண்டுதடா
பச்சரிசிச்சோறும் காரமான மீன் குழம்பும்
நித்தம் நீ கண்ணாற என் மடி இருக்குதடா
பாகற்காய் நெய்ச்சோறு பசிக்கையில்
பத்தியமாய் ஒரு பார்வை பார்த்திடடா
காதல் தாகம் தான் எடுக்கையில்
செல்லமாய் ஒரு மொழி பேசிடடா
கோவக்காய் கோவமாய் நீ காதல் மொழிகையில்
பாசாங்கு செய்த பாவக்காரி நானடா
உள்ளூறும் தேனூறும் உன்மீது காதலூறும்
சொல்லவந்த நேரம் உன் மனம் தூரமானது ஏனடா