கடல் பெண்ணே
உன் கண்ணீர்தான் கடலில்
உப்பாய்க் கரைந்ததோ
காலங்களும் கடக்க
உப்பின் செறிவும் அதிகரிப்பதேன்
இன்னும் உன் கண்ணீர்கடல் வற்றாமையா?
கடல் பெண்ணே
உன் சீற்றம் தான் கொந்தளிப்பானதோ
பாரிய அலைவெள்ளத்தில் உயரம்
விண்ணளவைத்தாண்ட உன் கோபத்தணல்
இன்னும் எத்தனை துயரின் பிரதிபலிப்போ?
கடல் பெண்ணே
உன் பொறுமைதான்
கடல் உள்வாங்கலானதோ
உள்ளிருக்கும் பொறுமை எல்லாம்
எரிமலைக்குமுறலாய் பொழியும் எரிதணலானதோ?
கடல் பெண்ணே
உன் புண்ணியம்தான் அலையானதோ
கறைபடிந்த பாதங்களை கூச்சமின்றி
கழுவி பாவவிமோட்ஷனம் அளிப்பதனாலோ?
கடல் பெண்ணே
உன் நட்புதான் சமுத்திரப்பயணமானதோ
நீண்ட தூர எல்லைகளுக்கு முடிவிடம்கொடுத்து
இரு எதிர்முகங்களுக்கு சந்திப்புக்கொடுப்பதாலோ?
கடல் பெண்ணே
உன் தாய்மைதான் கடல்மீன்களானதோ
வருமானமும் வருவாயும் தேடித்தர
வழிதேடுபவர்கள் வறுமை போக்குவதனாலோ?
கடல்பெண்ணே
உன்காதல் தான் கழிமுகமானதோ
ஆறோடு கூடல் செய்து
இனமற்ற காதலென நிலைநிற்பதனாலோ?
No comments:
Post a Comment
Your concern is appreciable. Thank you for the review